అమ్మ కోసం కవితలు | Amma Prema Kavithalu

Amma Prema Kavithalu, Amma Prema Kavithalu images, Amma Prema Kavithalu in Telugu, Amma Prema Kavithalu Telugu Images

 Amma Prema Kavithalu in Telugu.

Read More Amma Prema Kavithalu  >

 

నవమాసాలు నీ గర్భ గుడిలో నన్ను మోసి,
పురిటి నొప్పులను సైతం భరించి నాకు జీవంపోసి,
చందమామను చూపి గోరుముద్దలు తినిపించి,
కమ్మని జోల పాటతో నన్ను నిద్ర బుచ్చిన,

ఆ కమ్మని పలుకే అమ్మ,
నాకిచ్చిందందమైన జన్మ...

చిలుక పలుకులను పలికించి,
పలకను నా చేతికందించి,
అక్షరాలను నా చేతదిద్దించి,
నాకు బంగారు భవిష్యత్తును ప్రసాదించిన,

ఆ కమ్మని పలుకే అమ్మ,
నాకిచ్చిందందమైన జన్మ...

బుడిబుడి అడుగులు వేయించి,
నాకు దెబ్బతగిలినప్పుడు అరిచి,
తన చీర కొంగును తెంచి,
తన మమతను నాకు పంచిన,

ఆ కమ్మని పలుకే అమ్మ,
నాకిచ్చిందందమైన జన్మ...

దేవుడు అంతట ఉండలేక,
అందరినీ సమానంగా చూడలేక,
అందరికీ ప్రేమను పంచలేక,
ఒక అవతారమెత్తి ఇవన్నీ చేశాడు,

ఆ కమ్మని పలుకే అమ్మ,
నాకిచ్చిందందమైన జన్మ...

సృష్టిని సృష్టించిందొక బ్రహ్మ,
అతడినే సృష్టించినది అమ్మ,
రెండక్షరాలో నిలచిన ప్రేమ,
మానవాళికి తానే చిరునామా,

ఆ కమ్మని పలుకే అమ్మ,
నాకిచ్చిందందమైన జన్మ...

నీ ప్రేమ వెలకట్టలేనిది,
నీ ఓర్పు ఇలా చుట్టినది,
అంకితమిస్తున్నా ఈ కవిత మా అమ్మకు,
తీర్చుకోలేను తన ఋణం ఈ జన్మకు...

.
.
.
.
C HARSHA VARDHAN (Mahabub Nagar)