గెలుపు కొరకు ఆవేదన | Inspirational Telugu Quotes for life

Inspirational Telugu Quotes for life, Inspirational Telugu Quotes for life with images, Inspirational Telugu Quotes for life images, Inspirational Telugu Quotes for life in Telugu.

Inspirational Telugu Quotes for life in Telugu

గెలవాలన్న ఆకలి నన్ను అవకాశం అనే పొలం వైపుకు లాగింది.
విజయపు అంచులు చూడాలన్న ఆత్రుత నన్ను వీర వనితలా మారాలని తెలియ చేసింది.
కానీ ,

అడుగడునా అపజయాలు.
అవకాశం అనే ఆకాశం లాంటి పొలంలో చీటికీ మాటికీ చీదరింపులు.
ఇది నా రాత అని సర్దుకుపోవాలా?
లేక, నిలదొక్కుకుని అలాంటి పదునైన మాటలపైనే నా నడక సాగించాలా? .



నిశ్చయించుకున్నా.

ధైర్యం అనే నాగలి పట్టి, తలరాత అనే పొలంలో దున్నాలని.
సంకల్పం అనే కొడవలి చేతపట్టి నిరాశ అనే కలుపుమొక్కల్ని నరికెయ్యాలని.
గెలవాలి అన్న 'ఆశ"  అనే పేరు కలిగిన విత్తనం నాటి 'ఆనందం" అనే పైరు పండించాలని.
నేను నిశ్చయించుకున్న.

కానీ, అధికారం పేరిట పెత్తనం చెలాయించే సునామీల ధాటికి ఆశయం అనే నా చెట్టు కుప్పకూలింది.
కవిత లిఖించి కడలిలో కెరటమై ఎగసి పడాలని ఉంది,
నెమలికి నృత్యాన్ని నేర్పి, ఆగని నడకనై ముందుకు సాగిపోవాలనుంది,
గొంతెత్తే గాయనినై నాలుక కొనన విజయపు నక్షత్ర కాంతిని మిరమిట్లు గొలిపేలా చెయ్యాలని ఉంది,
కోటి కన్నుల కాంతిని కంటి ముందు కాగితంపై నిలిపే చిత్ర లేఖను అవ్వాలని ఉంది,
అవని పొరలను చీల్చి, ఆకాశాన్ని తాకేందుకు ఉవ్విళ్లూరుతున్న విత్తనాన్నై మొలకెత్తాలని ఉంది,
వేలి చివరన మెరుపును నిద్రలేపి వాయిద్యమై విజృంభించాలని ఉంది.


కానీ అల్లంత దూరంలో కనిపిస్తున్నది ( ఆకాశం,భూమి కలిసిపోయినట్లు కనిపిస్తాయి కదా) నిజమని నమ్మి,
తనివితీరా ఆ నిజం నిజమయ్యే చోటుని చేరడానికి ఎంత దూరం ప్రయాణించినా (అది అబద్ధమని తేలకపోయిన) నిజమని మాత్రం తేలదు .

కానీ కోరికలకు అంతు లేదు కదా.
అందుకే నా ఆత్మస్థిర్యాన్నే స్థిరాస్తిగా చేసుకొని,
మిన్నులోని ఒక్క అంశ నైనా మట్టిలో కలిపే వాన చుక్క అవ్వాలని ఉంది.

అవ్వాలనుకున్నవన్నీ నేను అవ్వడంలో ఓడిపోయిండచ్చు.
కానీ అవ్వడానికి చేసే ప్రయత్నంలో ఎప్పుడూ నేను గెలుస్తూనే ఉన్న. గెలుస్తూనే ఉంటా.
.
.
.
.
Pravallika...